قد ايه الظلم بيجرح واما يكون احساسك بيه ييسوى العالم باللى فيه
قد ايه الدمعه بحرقه
بتوجع نن العين من جوا
وتخلى القلب فايض بيه
عارف امتى كمان بالذات لما تحس انك مش قادر
انك حتى ترد عليه
لما تشوفه بيضحك عادى
وفرحه فيك جوا عينيه
لما تحس كأن صباعك
تحت ضرسه ودايس عليه
لما تقول للحق فينك
وتدور ما تلاقيه
يا اللى سرقت الحق مسيرك
يوم هيجيلك تندم فيه
يا اللى حنانك مات جواك
بكره برده تموت زييه
الكون فانى ومين باقى
غير رب الكون بللى فيه
افرح يومك ما انتا مسيرك
هتروح وتيجى وترجع ليه
قد ايه الظلم بيجرح ارق حاجه فى جسمنا
قد ايه جرحه بيعلم
ويفضل ساكن قلبنا
شوف بعينك ياللى شوفت
اللى راح مننا
واحكم حكمك لو حكمت
حكم يرضى ربنا
وقول بصوتك حتى كلمه
وهنسمعها كلنا
بس حاسب تبقى جارح
يزيد بكلامك جرحنا
ولا اقولك برده عادى
مبقاش خلاص يهمنا
الجرح فينا مسبش مكان
لحاجه تانى تهزنا
والزمان ملهوش امان
وبكره هيبقى ملكنا
اكيد عارف بس خايف
ياللى سارق حقنا
وطاير بيه بعيد عنا
خايف منا نكون هنا
ما هو دايما اللى ظالم خايف
واللى خايف مش مننا
ـــــــــــــــــــــــــــــ
أحمد فؤاد
